深港教育連線｜SEED 帶老師走入大灣區創科前線

為加強老師對大灣區創新科技嘅了解，SEED Foundation 日前帶領一班香港中學老師前往深圳，參觀由香港科技大學李澤湘教授所創辦嘅深圳科創學院（InnoX）同清華大學鄭泉水教授所創辦嘅深圳零一學院（X-Institute），體驗大灣區創科教育點樣將「理念」帶到「實踐」。

老師除咗參觀 InnoX 獨特嘅「科創探索空間」同觀摩初創展示外 ，更參加咗一個深港教育者交流環節 ，同 InnoX 代表就兩地科創教育現況對談，探討點樣啟發青少年主動學習、培養解難能力 同創新精神 ；老師亦有到訪 X-Institute，了解學院的教育模式同理念，並近距離觀察導師嘅教學方式。

今次考察希望老師能夠有所啟發，帶住新視野返到校園，繼續推動創科教學 。我哋希望透過每一次考察、每一次對話，連結兩地教育界，一齊推動創科教育發展，為下一代打造更具未來感嘅學習環境，迎接智慧城市同科技社會嘅挑戰。

再次感謝 InnoX 同 X-Institute 嘅熱情接待，亦感謝每位參加嘅老師一齊同行，為培育未來創科人才出一分力！