SEED 學生故事｜Jeffrey 以學習雲端回應關懷：技術最終為人服務
很多時候，路線唔係靠一個遠大目標決定，而係靠一個細小但具體嘅推動：有人推薦、你試一次，之後就一路做落去。來自中華基督教會蒙民偉書院的何卓謙（Jeffrey）正是這樣開始。
當Jeffrey第一次聽到「雲計算」這個詞時，他坦言自己是「一張白紙」，對這門技術毫無認識，甚至擔心自己跟不上進度。但正因為他選擇踏出那一步，才慢慢發現自己原來跟得上，而且越學越有方向。
從雲計算課程到真實工作場境體驗（WXP），Jeffrey 走過的，不只是技術上的學習，更是心態上的蛻變。每一次設定出錯或伺服器連不上，他都選擇把失敗當作下一次的準備。
這段旅程，讓他從一個對未來方向懵懂的中學生，慢慢走出了屬於自己的軌跡。
從零開始：老師一句建議帶來的起點
Jeffrey 接觸 SEED 雲計算課程的緣由其實很簡單，就是來自老師的推薦。「老師形容雲計算係一個剛開始盛行而且好強大嘅技術。」
第一次聽到這個詞，Jeffrey 覺得既新奇又有趣，但心裡也有隱憂：「因為始終不論是讀書還是自己去研究，都沒有接觸過這方面的知識。」
然而，上過前幾節課之後，他的顧慮便慢慢消散。「原來雲計算冇我想像中咁難；課程安排都冇想像中咁悶，反而比較輕鬆、自由啲，但又真係學到好多平時喺學校同自己上網搵資料都學唔到嘅嘢。」
課堂以外，同學之間的相處同樣溫暖。Jeffrey 回憶：「有時做 Lab 嘅時候，有啲同學唔知點解會出錯，我哋甚至落咗堂都仲會繼續傾，研究點解你嗰邊得、我呢邊唔得。做得到嘅同學亦都好樂意幫做唔到嘅同學，一齊完成個 Lab。」那種互相扶持的氣氛，也成為了他在課程中最難忘的一部分。
最難忘的一刻：打造屬於自己的相簿
Jeffrey 回憶起一項印象特別深刻的實作：運用阿里雲伺服器搭建專屬相簿。「我覺得呢個都幾啱我興趣，亦都好似係我會想做嘅嘢。因為好多時我哋都習慣喺社交媒體分享生活，有時又會想自己整個網站，專登擺返啲嘢喺度；咁呢個相簿其實就好似我一直都想做嗰類項目。」
這次實作，讓他第一次真實感受到，雲計算不是遙不可及的概念，而是一件可以與自己的生活、興趣緊密連結的事。當技術真正融入生活，學習的意義便截然不同了。
雲計算的 Level 1 到 Level 2：由編程走到雲端
Jeffrey 以分數來評價兩個階段的實用性。Level 1 主要在自己的電腦上編程，例如製作習慣追蹤器（Habit Tracker），實用性他給出 7 分；到了 Level 2 開始接觸雲端平台，實用性直接提升到 8 至 9 分。
「去到 Level 2 之後，因為接觸雲端嘅機會多咗，我覺得比 Level 1 更適合我、亦更好玩。」而他認為最關鍵的差別，在於和學校 ICT 課程的對比：「 DSE ICT 課程比較少接觸到 Cloud（雲端）呢一塊，加上 Cloud 本身都係比較新嘅技術。相對嚟講，SEED 嘅雲計算課程就剛好補返呢個缺口。」
他也點出兩者最核心的分別：「 ICT 課通常會比較悶啲，因為多數都係講課本知識，好少有機會真正落手做。但 SEED 嘅雲計算課程就唔同，基本上大部分時間都畀我哋實踐，真係要自己動手做，所以成堂課我哋都會好投入、好有興趣。」學習不再是被動地接收，而是主動地探索。
父親的教導：先研究，後發問
Jeffrey 的爸爸從事系統整合（SI）行業，一直是他的榜樣與偶像。「我之前喺WXP做嘅都係專做系統整合嘅公司，所以我同爸爸有好多共同話題；佢亦會教我一啲工作上嘅嘢。」
爸爸帶給他的，不只是行業知識，更是一種處事態度：「如果自己未準備好就去問問題，其實唔太禮貌，亦都會浪費人哋時間。最好係自己先做過資料搜集同研究，真係搵唔到答案先再請教，咁大家都省時間，亦能夠表現出誠意。」
這種價值觀，也深深影響了 Jeffrey 的學習方式：「我比較鍾意先睇明原理，再去觀察同對比。睇下人哋會唔會有啲步驟可以省略，或者有啲位係一定要加返。未必可以直接照跟，我通常要再加一兩個步驟，先覺得穩陣。」在他身上，父親的教誨早已內化成一種習慣，一種面對未知時沉著應對的姿態。
真實工作場境體驗 (WXP)：職場沒有想像中冰冷
Jeffrey 於2025年在世紀科技顧問有限公司（Century Technology & Consultant Limited）參與 WXP 期間，主要接觸系統整合（SI）相關工作。由現場協助設定無線基地台（AP）、到跟進設備資料登錄與更新，他逐步學會按步驗證、做好記錄，同時主動向同事確認要求與進度。工作內容雖然有重複，但每一次把問題排查清楚、順利完成任務，都為他帶來真實的成就感。
「好多時一做到啲以前未做過嘅嘢，就會好有成功感。好似第一次成功 set 到 AP 嗰陣，就已經覺得自己完成咗一件從來未試過做到嘅事。」
更令他意外的，是職場文化的真實面貌：「一開始我以為返工一定好嚴肅：唔俾人傾偈、唔俾人放鬆，仲要坐足八個鐘。後來先發現其實未必係咁，同事之間都會有交流；有時一齊去另一個地方做嘢，路上都會傾下偈、講下日常生活，同我原本想像真係差幾遠。」
這段經歷打破了他對職場的既有想像，也讓他更堅定了未來投身 IT 產業的志向。「做完整個 WXP 之後，我更加肯定自己將來想走 IT 呢條路，亦都更清楚知道自己真正要面對、要準備嘅係咩嘢。」對 Jeffrey 而言，提前走進真實工作環境，令他更早看見自己想走的路，也更清楚下一步需要準備什麼。
IT 不是冰冷的編碼：最終目的是為人服務
Jeffrey 對 IT 的理解，從不局限於技術層面。「雖然 IT 喺技術層面聽落好似好冰冷，但其實講到底，佢最終都係為人服務。」
他的心願，是研發相關技術幫助有需要的人，尤其關注獨居長者群體。「獨居長者喺屋企行動唔方便，有時就算受傷都未必即刻有人發現、有人幫到。可唔可以用一種技術，當佢哋一受傷就即時觸發警報，通知相關人士，令佢哋可以更快得到及時救治？」
在他眼中，科技不是目的，而是橋樑，用科技技術去回應社會的需要。
失敗乃成功之母：失敗不是結局，是下一次的起點
Jeffrey 在課程與實習過程中，也曾經歷過不少失敗，但他對失敗的態度十分坦然：「每每一次失敗，我都會當係一個參考，令自己下一次做得更好。」
他也不怕向他人提及自己的失敗：「因為人人都會失敗，冇人可以一次就成功；最重要係下次進步就得。」
這種積極面對失敗的心態，正是在 SEED 課程中逐漸鍛鍊而成的。在雲計算課程的實作中，出錯幾乎是家常便飯，但也正是這些一次又一次的失誤，讓他慢慢養成了不服輸、不輕易放棄的品格。他說：「我哋嘅心態就係唔服輸，繼續試、一路試到做到為止。」失敗，從來不是終點，而是他重新出發的理由。
寄語未來參加者：給還在迷路的人
Jeffrey 會推薦這門課程給哪些人？他的答案清晰而真誠：「如果你而家仲未好清楚自己想做咩，或者對前路好唔確定、唔知想向邊個方向發展，我都幾推薦你去試下參加呢個雲計算課程。」
「因為入面唔單止學到知識，仲會經歷失敗同成功，亦會提前體驗到好多將來一定會遇到嘅情況。」
結語
回望這段歷程，Jeffrey 的成長不在於一次到位，而在於課程提供了持續嘗試與修正的機會：在錯誤中找原因，在成功中累積信心。當他逐步摸到自己的節奏與方向，想走下去的意願也自然變得更堅定。
故事最後，他留給未來參加者一句話，也是他最真實的體悟：「見到機會就要把握住，唔好畀佢白白走咗。」
而 SEED 想做的，正是把「第一步」變得更容易：讓年輕人有空間去嘗試，把興趣落到實作，並在過程中看清自己適合的方向。當機會出現，敢踏出去的一步，往往就會帶來下一步。
